Dear Guaiteng,
Ih ZO LAI SIMBU vai tawh kisai in, a nei a lai na sim ciet vun.
Tammi article pen Pu ZO news Hawm-65 a suosah ding ahi'a vai tuomtuom tawh ki hawmzo nailo ahizieh in MIPI thei hunta cina tawh kang hahsawn a hihi.
HAI BANG I NGALA ZO LAI SIMBU
THUMAPUI:
Ei Zo mite pen Pasien in tangtawng panin Tedim gamah mibul khatin ei na koi hi. Sangmang J.H Cope Tedim ah 1910 kumin ang tung a, Zolai Simbu ei bawlpieh nuom ahi ziehin bang kamham kizang le a tangzai pendiei ci a thei nadingin Tedim gam minam bul zawdeu le kamham namtuom zawdeu-a ei kituot ahi i Zo sung panin Pu Khan Thawng (Mantuong be, Phaitu hausa), Pu. Zaang Khaw Lien (Manlun be, Salzang hausa), Pu. Mang Za Thang (Guite be, Paihte kam zang, Tuimui hausa), Pu. Tual Pum (Paihte kam zang, Haicin hausa) te le Tedim kam a zang khuo(18) pan hausa upate, Tedim vuondawh zumah 1919 kumin na khawm a, amau' thukimna tawh Zolai Simbu adingin Tedim ham zah dingin khensat uh a, tua Tedim ham tawh Zolai Simbu ei na bawlpieh hi.
A sawt ciengin Tedim gamah Kamhau uh zai pen ahi ziehin Cope in Tedim kam tangin Kamhau dialect ci-in hing zang kia hi.
Tua banah tua Zolai Simbu sunga guon ding tuonthu tangthute le a tuomtuomte pen Tedim kampau makai teng in theizo vawt lo uh ahi ziehin mibul pen khat ahi Manlun be Pu. Lang Za' suon Lomzang khuo-a tenng Pu. Tuong Za Go in thei ding hi, a ci uh ciengin Cope in zong ama hlansah pai hi. Aman zong sangmangpa thudawh teng zosie dawng thei a, ama gen teng ma Zolai Simbu sungah na guong pai hi.
Tu in zong minam bulpi (tazaw namte) beh in tuonthu tangthu thei siem beh uh a, Pu. Tuong Za Go pen mibul khat a na hi ziehin tanngthu a kimin na sut thei hi. Tami Zolai Simbu pen 1971 kumin ang kipuophat ciengin Zo awkaih (Zo accent) tawh kigiel teng zosie Tedim hamin kilaih(khel) sieng hi. Galkap kumpi ang khan ciengin kumpi sangte ah Zolai ei kisinsah nawn lo hi. Tua ziehin i pienpi kam i tate in thei nawn lo uhi. Tambangin kum (25) bang peisuoh lai leih a mangthai tahtah ding i hi mawh uhi.
1. TANLANG ZOLAI SIMBU NASEP KIPAN TA.
Pasien' kammal pen tul ngai lo, zong thawn ngai lo ahi dung zui-in Lai Siengtho sungah "Tamte in minam gamgi huom sunga amau' be le kamham a zang Shem' tapate ahi hi"(Piencil 10:31) a kici bangin Pasien in ei Zo tate zong i pienpi kamham (mother tongue) ei zangsahkia nuom hi ding hiven, i kilamet vawt lo laitahin kumpi lam panin vaihawmna khat ang om a, 2016-2017 laisin kum (academic year)a kipanin kumpi sangte ah tanlang (Kindergarten) adingin "pienpi kamham bulphu lai hilhna"(mother tongue based medium of instruction) kipan ta ding hi. Tami nasepna ah Kawlgam-a tenng minam tuomtuomte in amau' ham ciet utawh lai a sin thei nading ua a kisam tanlang sie/siemate' tawi ding laibu (Teachers' Guide or Language Guide) bawl ding pen Ministry of Education leh UNICEF te kithuo-in minam tuomtuomte' Lai le Ngaina Kipawlna (Language & Culture Committee) te tawh kopin na semton uhi. UNICEF in MBC CE Department te tawh septon nading thukimna lai (Memorandum of Understanding) bawlzo ta uhi.
2. SIETE TAWI DING ZOLAI BU BAWLNA THU KIKUP.
(Orientation for Kindergarten : Language Guide Develpoment).
Tam thu kikup pen (17-20) February 2015 dong Yangon Diocesan Office (Anglican), No. 44, Pyay Road, Yangon ah kibawl a, ZBA panin ZLCC min tawh mi nga kihal thei hi. Tua kikupna ah UNICEF panin "Early Childhood Development Specialist Dr. Aye Aye Yi, Ministry of Education panin siema li, Curriculum Team adviser le Comprehensive Education Sector Review (CESR) a kizang mipilte ahi Dr. Myint Thein, Dr. Win Aung-te banah Kumpi le sangsupangte kikal pilna sinna tawh kisai thugui hlun(National Education Law) suoi phat thei nadingin "Kawlgam buppi Pilna Sinna Puophatna" (National Network for Education Reform) makaipi pa Dr Thein Lwin te in lecture ei pie uh a, tami pienpi kamham tawh laisinna pen lamet ngam lo pi-a na nga uh ahi ziehin na muolsuo nadingun kihanciem un, ci-in deisahna tawh ei gen tangtang uhi.
A ni veina kikupna pen (27-30) April 2015 dong FRANC AUDITORIUM, No.404/A, Lower Kyimindaing street ah kibawl a, tanlang siete tawi ding laibu (Teachers' Guide) bawldan ding kicientahin ei kihil a, tukum July hla ciengin tua laibu tunglamte kungah kipuohto ta ding hi. Tami kikupna ah minam (ethnic groups) sawmthum le khat kika a, tami masangin minam(18) na ka zi a, a gawmin minam (49) bang kika zo suoh hi.
3. I NASEP KHOL DING VAI PAWLKHAT.
Tami nasep pen i mite sungah Registration ngasa (Zo Literature & Culture Committee) a op nai lo zieha ZBA te bawl ZLCC in mawpuohna kila pah ahi bo hi. Mailam ciengin Zo Literature and Culture Committee sep ding ahi hi. Tu tadi-in tami nasep pen ZBA GS in tavuan hing la dinga tami nasep i muolsuo dongin khut kilenin i sep uh kul ding hi.
I thei dingah (2016-2017 )laisin kum (academic year) ang tun masangin i khuo ciet uah Zolai hil ding sie/siema nei masah kul ding a, tua sie/siemate sang hon masangin kumpi in hla khat tentan kikasah lai ding hi. Tua banah tami Zolai sin thei nading phalna zong kumpi tungah nget lai kul ding a, i sie/siema dingte zong phalna nget kul ding hi. Kumpi in hunbih kumpi nasemin ang khan thei nadingin i sie/siemate pen a tawmpen in tan sawm (metriculation passed)hizo le hoiding hi. Hi thei le buoih nga(degree holder) kisam ding hi.
A tunga i gen teng zosie muibun tahin i sepzawh nading pen khuo hausate le biehna lam makaite in mawpuohna golpi lah ding kisam hi.
A tawpna ah tami hamphatna pen mawhna sah loin i Zo khuo tengah i tate in i pienpi Zolai tawh lai a sin kim thei ciet nadingun i hithei za ciet utawh ma pangton vai ci-in kang ciel uhi.
By: Rev Dr Mang Do Thang
Chief Editor
Pu ZO news
Yangon.
Ih ZO LAI SIMBU vai tawh kisai in, a nei a lai na sim ciet vun.
Tammi article pen Pu ZO news Hawm-65 a suosah ding ahi'a vai tuomtuom tawh ki hawmzo nailo ahizieh in MIPI thei hunta cina tawh kang hahsawn a hihi.
HAI BANG I NGALA ZO LAI SIMBU
THUMAPUI:
Ei Zo mite pen Pasien in tangtawng panin Tedim gamah mibul khatin ei na koi hi. Sangmang J.H Cope Tedim ah 1910 kumin ang tung a, Zolai Simbu ei bawlpieh nuom ahi ziehin bang kamham kizang le a tangzai pendiei ci a thei nadingin Tedim gam minam bul zawdeu le kamham namtuom zawdeu-a ei kituot ahi i Zo sung panin Pu Khan Thawng (Mantuong be, Phaitu hausa), Pu. Zaang Khaw Lien (Manlun be, Salzang hausa), Pu. Mang Za Thang (Guite be, Paihte kam zang, Tuimui hausa), Pu. Tual Pum (Paihte kam zang, Haicin hausa) te le Tedim kam a zang khuo(18) pan hausa upate, Tedim vuondawh zumah 1919 kumin na khawm a, amau' thukimna tawh Zolai Simbu adingin Tedim ham zah dingin khensat uh a, tua Tedim ham tawh Zolai Simbu ei na bawlpieh hi.
A sawt ciengin Tedim gamah Kamhau uh zai pen ahi ziehin Cope in Tedim kam tangin Kamhau dialect ci-in hing zang kia hi.
Tua banah tua Zolai Simbu sunga guon ding tuonthu tangthute le a tuomtuomte pen Tedim kampau makai teng in theizo vawt lo uh ahi ziehin mibul pen khat ahi Manlun be Pu. Lang Za' suon Lomzang khuo-a tenng Pu. Tuong Za Go in thei ding hi, a ci uh ciengin Cope in zong ama hlansah pai hi. Aman zong sangmangpa thudawh teng zosie dawng thei a, ama gen teng ma Zolai Simbu sungah na guong pai hi.
Tu in zong minam bulpi (tazaw namte) beh in tuonthu tangthu thei siem beh uh a, Pu. Tuong Za Go pen mibul khat a na hi ziehin tanngthu a kimin na sut thei hi. Tami Zolai Simbu pen 1971 kumin ang kipuophat ciengin Zo awkaih (Zo accent) tawh kigiel teng zosie Tedim hamin kilaih(khel) sieng hi. Galkap kumpi ang khan ciengin kumpi sangte ah Zolai ei kisinsah nawn lo hi. Tua ziehin i pienpi kam i tate in thei nawn lo uhi. Tambangin kum (25) bang peisuoh lai leih a mangthai tahtah ding i hi mawh uhi.
1. TANLANG ZOLAI SIMBU NASEP KIPAN TA.
Pasien' kammal pen tul ngai lo, zong thawn ngai lo ahi dung zui-in Lai Siengtho sungah "Tamte in minam gamgi huom sunga amau' be le kamham a zang Shem' tapate ahi hi"(Piencil 10:31) a kici bangin Pasien in ei Zo tate zong i pienpi kamham (mother tongue) ei zangsahkia nuom hi ding hiven, i kilamet vawt lo laitahin kumpi lam panin vaihawmna khat ang om a, 2016-2017 laisin kum (academic year)a kipanin kumpi sangte ah tanlang (Kindergarten) adingin "pienpi kamham bulphu lai hilhna"(mother tongue based medium of instruction) kipan ta ding hi. Tami nasepna ah Kawlgam-a tenng minam tuomtuomte in amau' ham ciet utawh lai a sin thei nading ua a kisam tanlang sie/siemate' tawi ding laibu (Teachers' Guide or Language Guide) bawl ding pen Ministry of Education leh UNICEF te kithuo-in minam tuomtuomte' Lai le Ngaina Kipawlna (Language & Culture Committee) te tawh kopin na semton uhi. UNICEF in MBC CE Department te tawh septon nading thukimna lai (Memorandum of Understanding) bawlzo ta uhi.
2. SIETE TAWI DING ZOLAI BU BAWLNA THU KIKUP.
(Orientation for Kindergarten : Language Guide Develpoment).
Tam thu kikup pen (17-20) February 2015 dong Yangon Diocesan Office (Anglican), No. 44, Pyay Road, Yangon ah kibawl a, ZBA panin ZLCC min tawh mi nga kihal thei hi. Tua kikupna ah UNICEF panin "Early Childhood Development Specialist Dr. Aye Aye Yi, Ministry of Education panin siema li, Curriculum Team adviser le Comprehensive Education Sector Review (CESR) a kizang mipilte ahi Dr. Myint Thein, Dr. Win Aung-te banah Kumpi le sangsupangte kikal pilna sinna tawh kisai thugui hlun(National Education Law) suoi phat thei nadingin "Kawlgam buppi Pilna Sinna Puophatna" (National Network for Education Reform) makaipi pa Dr Thein Lwin te in lecture ei pie uh a, tami pienpi kamham tawh laisinna pen lamet ngam lo pi-a na nga uh ahi ziehin na muolsuo nadingun kihanciem un, ci-in deisahna tawh ei gen tangtang uhi.
A ni veina kikupna pen (27-30) April 2015 dong FRANC AUDITORIUM, No.404/A, Lower Kyimindaing street ah kibawl a, tanlang siete tawi ding laibu (Teachers' Guide) bawldan ding kicientahin ei kihil a, tukum July hla ciengin tua laibu tunglamte kungah kipuohto ta ding hi. Tami kikupna ah minam (ethnic groups) sawmthum le khat kika a, tami masangin minam(18) na ka zi a, a gawmin minam (49) bang kika zo suoh hi.
3. I NASEP KHOL DING VAI PAWLKHAT.
Tami nasep pen i mite sungah Registration ngasa (Zo Literature & Culture Committee) a op nai lo zieha ZBA te bawl ZLCC in mawpuohna kila pah ahi bo hi. Mailam ciengin Zo Literature and Culture Committee sep ding ahi hi. Tu tadi-in tami nasep pen ZBA GS in tavuan hing la dinga tami nasep i muolsuo dongin khut kilenin i sep uh kul ding hi.
I thei dingah (2016-2017 )laisin kum (academic year) ang tun masangin i khuo ciet uah Zolai hil ding sie/siema nei masah kul ding a, tua sie/siemate sang hon masangin kumpi in hla khat tentan kikasah lai ding hi. Tua banah tami Zolai sin thei nading phalna zong kumpi tungah nget lai kul ding a, i sie/siema dingte zong phalna nget kul ding hi. Kumpi in hunbih kumpi nasemin ang khan thei nadingin i sie/siemate pen a tawmpen in tan sawm (metriculation passed)hizo le hoiding hi. Hi thei le buoih nga(degree holder) kisam ding hi.
A tunga i gen teng zosie muibun tahin i sepzawh nading pen khuo hausate le biehna lam makaite in mawpuohna golpi lah ding kisam hi.
A tawpna ah tami hamphatna pen mawhna sah loin i Zo khuo tengah i tate in i pienpi Zolai tawh lai a sin kim thei ciet nadingun i hithei za ciet utawh ma pangton vai ci-in kang ciel uhi.
By: Rev Dr Mang Do Thang
Chief Editor
Pu ZO news
Yangon.
No comments:
Post a Comment
ကျွန်တော်သည် ပညာရှင်တစ်ယောက် မဟုတ်ပါ ၊ ပညာသင်ယူနေသော လူတစ်ယောက် ဖြစ်သည်/
ပြောချင်တဲ့ စကားလေးတွေ ပြောနိုင်တယ်နော်