IAMS cih pen International Association for Mission Studies kipawlna
pi hi a, UK gamah kumpi theihpihna registration kibawl ahi hi. 1972 kum
in kipan khia kipawlna khat hi a, Christian mission scholar sangmang
nasep tawh kisai thutei pawl ii kipawlna ahi hi. Kum li ciang khat vei
ta leitungbup
khawmpi quadrennial conference nei zel uh a, tu tung 2012 kum in
khawmpi 13th veina le, kipawlna kum 40 cin [40th anniversary]pawipi pen
Canada gam Toronto khuapi ah August 15-19 sung kibawl ahi hi. Khawmpi ah
leitung mun tuamtuam pan mission scholar teng kikhopna hi a, gam
tuamtuam pan kihel ciat ahi hi. Pawl denomination ki deidanna om lo in,
"Nang bang pawl na hiam?" cih khawng khat le khat ki dotna vet om lo ahi
hi. A thu in bel khen bawl ni ci le'ng Ecumenical Movement pawl hi zaw
deuh cih ding ahi hi. Ahizong in Evangelical le Pentecostal movement lak
pan mi tampi mah kihel ahi hi. Catholic te zongh tampi mah hong kihel
uh hi. Scholar level vive academic circle pan ki kaihkhopna ahihmah bang
in, practitioners lam pan ki tam hel khol lo ahi hi. [Observer tawm
kihel veve hi]. Mai lamah mission practitioner lam pan zong kihel theina
ding thusunna proposal khat zong tutung in om ahi hi. Tua ahih le
khawmpi thubulphuh le kikumna te ii deihna bulpi bang hi pen ding hiam?
II. Thubulphuh le Deihna Bulpi: Migration - Peemta Hihna
Khawmpi thubulphuh pi pen "Migration, Human Dislocation, and the Good News: Margins as the Centre in Christian Mission" ahi hi. Leitungah minam tuamtuam te mun khat pan mun khat ah peem kawikawi in, gam tuamtuam ah peemta suak kawikawina thu le Pasian gelna etkakna thubulphuh ahi hi. Lamkhat pan in ci le'ng, tuni in gam tuamtuam ah minam tuamtuam te a tai kawikawina uh a hang pen Pasian' gelna sungah kalsuanna hi, cih thu ahi hi. Tua ahih le Pasian in tuni in gam tuamtuam ah peemta te a ding bang gelna bulpi nei hiam, cih dotna om ahi hi. A tom in dawng ding ci le'ng Pasian in minam tuamtuam te leitungbup leimong dong kizel ding a, lungdamna thu tangko ding in hong deih hi, cih thu ahi hi. "Leimong dong ka tetti na hi ding uh hi!" cih thu a tangtunna ding cihnopna ahi hi. Tua hi a, minam sung biakna makai te'n ih minam lak pan migam ah peemta suakte Pasian in missionary sangmang nasem dingin hong puak ahihlam hilh tel mahmah ding kisam cih pen tutung IAMS 2010 Toronto Assembly ii thubulphuh le kikumna pi ahi ta hi. Pasian in tanglai pek Eden Pupi Adam hun pan kipan, Upna Pupi te ahi Pu Noah, Pu Abiahang [Abraham] te hun le tuni dong thu-um-mi te zangh in leimong dong ah lungdamna thu kezeelna ding in hong puak kawikawi ahi hi.
III. Khawmpi Bawlna le Study-group Tuamtuam Kihelna
University of Toronto, St. Michael College ah zin kitung in, Wycliffe College ah conference meeting kibawl hi. Leitungbup pan tutung mission scholar 200 ciang bek in khawmpi siim theina ding mi ciangtanna om a, tua sungah Korea pan in Zo-mi khat zongh va kihel thei lei ahi hi. Sanggam Lushei [Mi-zo]te 2 zongh hong kihel thei uh hi. Japan pan 3, Korea te 3 bang kihel bekna sung ah Zo-mi [Zo people] 3 bang va kihel thei cih pen mi tawh kikimna khat hong suak ahi hi. Khawmpi ah study group tuamtuam kikhen in eima paper tawh kisai group khat ciat ah ih paper ciat simna presentation le kikumna discussion kinei ahi hi. Tutung study group 8 pha a: BISAM, DABOH, Environment, Gender, Healing/Pneumatology, Inter-faith, Migration le World Christianity te ahi hi. Panmunlen te makaihna tawh study group khat ciat ah, kihel in presentation le discussion kinei ahi hi.
IV. Bang Hang Toronto ah Khawmpi Kibawl Hiam? Why Toronto?
Toronto ih tun lian le leitung minam khempeuh phial kimu thei pah ziazua mawk a, lamdang kisa phial ahi hi. Banghang hiam cih le Canada pen leitungah minam kim penpen gam khat a na hi gige mawk hi. Job appointment kul lo in immigrant visa ki ngah thei lel ahi hi. Free Health Care system nei mawk uh a, energy zongh free lai mawk hi. Gammi suak ding zongh baih mahmah lel a, peemta khat pen kum 3 sung in gammi suak ziau thei lel ahi hi. Tua ahihman in minam kideidanna tawm pen/ om vet lo phial in minam tuamtuam te in gam in nei thei uh ahi hi. Toronto khuapi sungah mi 2.5million a om sung pan a lang tamzaw pen leitung mun tuamtuam pan hong pai peemta te ahi uh hi. Inn ah English zangh lo pen a langtamzaw om ahi hi. Migration study bawlna ding in a hoih pen mun khat ahih ban-ah, sangmang thusinna mission study bawlna ding mun hoih khat ahihman in tutung khawmpi thubulphuh tawh kituak ding in makai lam pan vaihawmna ahi hi. [Mai kum li 2016 ciang in Korea gam Seoul khuapi hi thei kha ding hi. Thubulphuh ding le a mun ding ki khensat nai lo ahi hi.]
V. IAMS Membership le Conference Presenter Khat Suaktheina
IAMS ah pawllutna pen mimal ahi a, kipawlna tawh ahizong in ki lut thei hi. Membership fee a tawm pen kum khat ai taang piak den kisam ahi hi. Membership in hong ki sang pah lo in, board of directors te'n hong sittel phot uh ahi hi. Mimal pawllutna ding pen a tawmpen in PhD level hih kisam a, publication nei khin sa le tu laitak in bang interest field nei cihte ki en ahi hi.
Paper presenter hihtheina ding pen paper calling hong kihon ciang thubulphuh tawh kituak ding in topic khat le abstract khak kisam ahi hi. Makai lam standing committee te'n hong teel a na paper hong ki accept a le, conference ah presenter khat in kihel thei ta ahi hi. Kihelna ding grouping kibawl ding hi. A kin, a lunglut te'n www.missionstudies.org ah ki hawh thei ahi hi.
VI. Thukhupna
Tutung 2010 Toronto Assembly khawmpi pan in bang phattuamna na ngah pen hiam, ci-in hong kidot ciang in ka minampih Zo-mi te leitung mun tuamtuam ah tulaitak ki thehthangna pen thu tuamtuam la tuamtuam te hang hi masa lo in, Pasian in gam tuamtuam a om minam tuamtuam te kiangah lungdamna thu kizeel sak ding hun nunung ah Zo-mi te hong deihna bulpi ahihlam ka phawk thak mahmah hi cih pen ka dawnkikna bulpi ahi hi. Tua hi a, Zo-mi te ih tuntunna gam le lei ah minam tuamtuam te kiang lungdamna thu puakkik ding te ih hihlam kiphawk thak in, ei le ei ki thawi kik ding hun ahi hi. Kua mah in ei hong makai nawn ding hi lo a, ei le ei ki makaih hun hi ta hi. Zo-mi te ih omna ciat pan leimong dong Topa' tetti hoih te ih hihna ding mimal kim ki thawi phat mahmah ngai ahi hi. Zo-mi Christianity kum 100 cin' khit nungah Pasian in a mi te leimong dong a ma' gam keek ding in hong muang ta hi le kilawm ahi hi.
Agelh :: Cope Suan Pau or Sia Suanpi
II. Thubulphuh le Deihna Bulpi: Migration - Peemta Hihna
Khawmpi thubulphuh pi pen "Migration, Human Dislocation, and the Good News: Margins as the Centre in Christian Mission" ahi hi. Leitungah minam tuamtuam te mun khat pan mun khat ah peem kawikawi in, gam tuamtuam ah peemta suak kawikawina thu le Pasian gelna etkakna thubulphuh ahi hi. Lamkhat pan in ci le'ng, tuni in gam tuamtuam ah minam tuamtuam te a tai kawikawina uh a hang pen Pasian' gelna sungah kalsuanna hi, cih thu ahi hi. Tua ahih le Pasian in tuni in gam tuamtuam ah peemta te a ding bang gelna bulpi nei hiam, cih dotna om ahi hi. A tom in dawng ding ci le'ng Pasian in minam tuamtuam te leitungbup leimong dong kizel ding a, lungdamna thu tangko ding in hong deih hi, cih thu ahi hi. "Leimong dong ka tetti na hi ding uh hi!" cih thu a tangtunna ding cihnopna ahi hi. Tua hi a, minam sung biakna makai te'n ih minam lak pan migam ah peemta suakte Pasian in missionary sangmang nasem dingin hong puak ahihlam hilh tel mahmah ding kisam cih pen tutung IAMS 2010 Toronto Assembly ii thubulphuh le kikumna pi ahi ta hi. Pasian in tanglai pek Eden Pupi Adam hun pan kipan, Upna Pupi te ahi Pu Noah, Pu Abiahang [Abraham] te hun le tuni dong thu-um-mi te zangh in leimong dong ah lungdamna thu kezeelna ding in hong puak kawikawi ahi hi.
III. Khawmpi Bawlna le Study-group Tuamtuam Kihelna
University of Toronto, St. Michael College ah zin kitung in, Wycliffe College ah conference meeting kibawl hi. Leitungbup pan tutung mission scholar 200 ciang bek in khawmpi siim theina ding mi ciangtanna om a, tua sungah Korea pan in Zo-mi khat zongh va kihel thei lei ahi hi. Sanggam Lushei [Mi-zo]te 2 zongh hong kihel thei uh hi. Japan pan 3, Korea te 3 bang kihel bekna sung ah Zo-mi [Zo people] 3 bang va kihel thei cih pen mi tawh kikimna khat hong suak ahi hi. Khawmpi ah study group tuamtuam kikhen in eima paper tawh kisai group khat ciat ah ih paper ciat simna presentation le kikumna discussion kinei ahi hi. Tutung study group 8 pha a: BISAM, DABOH, Environment, Gender, Healing/Pneumatology, Inter-faith, Migration le World Christianity te ahi hi. Panmunlen te makaihna tawh study group khat ciat ah, kihel in presentation le discussion kinei ahi hi.
IV. Bang Hang Toronto ah Khawmpi Kibawl Hiam? Why Toronto?
Toronto ih tun lian le leitung minam khempeuh phial kimu thei pah ziazua mawk a, lamdang kisa phial ahi hi. Banghang hiam cih le Canada pen leitungah minam kim penpen gam khat a na hi gige mawk hi. Job appointment kul lo in immigrant visa ki ngah thei lel ahi hi. Free Health Care system nei mawk uh a, energy zongh free lai mawk hi. Gammi suak ding zongh baih mahmah lel a, peemta khat pen kum 3 sung in gammi suak ziau thei lel ahi hi. Tua ahihman in minam kideidanna tawm pen/ om vet lo phial in minam tuamtuam te in gam in nei thei uh ahi hi. Toronto khuapi sungah mi 2.5million a om sung pan a lang tamzaw pen leitung mun tuamtuam pan hong pai peemta te ahi uh hi. Inn ah English zangh lo pen a langtamzaw om ahi hi. Migration study bawlna ding in a hoih pen mun khat ahih ban-ah, sangmang thusinna mission study bawlna ding mun hoih khat ahihman in tutung khawmpi thubulphuh tawh kituak ding in makai lam pan vaihawmna ahi hi. [Mai kum li 2016 ciang in Korea gam Seoul khuapi hi thei kha ding hi. Thubulphuh ding le a mun ding ki khensat nai lo ahi hi.]
V. IAMS Membership le Conference Presenter Khat Suaktheina
IAMS ah pawllutna pen mimal ahi a, kipawlna tawh ahizong in ki lut thei hi. Membership fee a tawm pen kum khat ai taang piak den kisam ahi hi. Membership in hong ki sang pah lo in, board of directors te'n hong sittel phot uh ahi hi. Mimal pawllutna ding pen a tawmpen in PhD level hih kisam a, publication nei khin sa le tu laitak in bang interest field nei cihte ki en ahi hi.
Paper presenter hihtheina ding pen paper calling hong kihon ciang thubulphuh tawh kituak ding in topic khat le abstract khak kisam ahi hi. Makai lam standing committee te'n hong teel a na paper hong ki accept a le, conference ah presenter khat in kihel thei ta ahi hi. Kihelna ding grouping kibawl ding hi. A kin, a lunglut te'n www.missionstudies.org ah ki hawh thei ahi hi.
VI. Thukhupna
Tutung 2010 Toronto Assembly khawmpi pan in bang phattuamna na ngah pen hiam, ci-in hong kidot ciang in ka minampih Zo-mi te leitung mun tuamtuam ah tulaitak ki thehthangna pen thu tuamtuam la tuamtuam te hang hi masa lo in, Pasian in gam tuamtuam a om minam tuamtuam te kiangah lungdamna thu kizeel sak ding hun nunung ah Zo-mi te hong deihna bulpi ahihlam ka phawk thak mahmah hi cih pen ka dawnkikna bulpi ahi hi. Tua hi a, Zo-mi te ih tuntunna gam le lei ah minam tuamtuam te kiang lungdamna thu puakkik ding te ih hihlam kiphawk thak in, ei le ei ki thawi kik ding hun ahi hi. Kua mah in ei hong makai nawn ding hi lo a, ei le ei ki makaih hun hi ta hi. Zo-mi te ih omna ciat pan leimong dong Topa' tetti hoih te ih hihna ding mimal kim ki thawi phat mahmah ngai ahi hi. Zo-mi Christianity kum 100 cin' khit nungah Pasian in a mi te leimong dong a ma' gam keek ding in hong muang ta hi le kilawm ahi hi.
Agelh :: Cope Suan Pau or Sia Suanpi
No comments:
Post a Comment
ကျွန်တော်သည် ပညာရှင်တစ်ယောက် မဟုတ်ပါ ၊ ပညာသင်ယူနေသော လူတစ်ယောက် ဖြစ်သည်/
ပြောချင်တဲ့ စကားလေးတွေ ပြောနိုင်တယ်နော်