I GUALZAWH NANGIN ATHUPI PEN IN ( Trust ) hi:

1.      Leitung bupah makaipi khempeuhin, gualzawhna ii ngah nangin, a thupi pen leh a thunei penin makaihna ah ki upna hi ci-in ki thukim uh hi. Kipawlna (Organization) khempeuh ah ki upna in gualzawhna (Success) dingin, neih loh a phamawh a thupi pen
( Ingredients ) khat zong  ahi hi.

                Tu ni-in leitungah a gualzo a minthang mihaute khempeuhin gualzawhna tawh a tonkhawm a mau Organization Kipawlna Society nasep nate ah a ki thukkik ki upna (mutual trust) pen, sangpi tak a a lamzote a hi hi ci-in ki mu thei hi.

                A taktak ah ki upna ii cih pen  ki thutuahna (Intergrity) tungah dingin, a kilam ahi hi. Khat ah ki up tuaktuak na (Mutual Trust) ii ngahna dingin, laak theih hi lo hi, piak khiat ding ahi hi. Khat le khat kizopna (Relationship) tungah dingin a kilamto ahi hi. Ki upna cih pen khat le khat ki thuahna, kilawm takna, tawh kizom lungsim (Emotional Glue) nam khat zong ahi hi. 

2.      Nang ki upna a lam mi na hiam? (Trust Builder) upna a lam mi leh (Trust Busters) upna a susia mi ci-in nam nih bek om hi. Lungsim siangtho takin upna a lam mite pen a gualzote hong hi uh a, upna a susiate bel a guallelte hong hi uh hi.

                Upna koici lamding i hi hiam? Upna lamto dan i cih pen upna a lam nuamte a dingin, hanciam a sep ding vaite a kician takin om hi. Tuate i gen ma-in upna a susiate thu konggen nuam ma sa hi. Nangin Trust Busters na hiam? cih a nuai-a thute tawh na ki sittel thei hi.

Upna a suasia mite (Trust Busters

A.      Kamciam a palsat mi (Breaking promise),

B.      Mite hoih loh nate a gen sia sim mi (Talking Behind people’s backs).

C.      Na khat peuhpeuh ah midangte mawh sak ding bek a thahat mite ( Being Judgmental or Critical).

D.      Ama deihna bekah a lungtung mite (Only Oriented on Personal Needs)

Upna a lamto Mite (Trust Builder)

A.      Gen mengmeng lo, a gen leh lah sem pah, a kampau thupi sa in tavuan a la mite (Keeping Your Word)

B.      A kampau bangin, tavuan la-in, a gen bangin a mahmah in a sep mite (We do what we say)

C.      Midangte tungah a ki thukkik zahtakna nei mite (Sharing Respect with others)

D.      Midangte muanna ngahin, a man zong midangte a muang thei mite (Being Dependable)

E.       Thuman thutak bek it in a gen mite( Speaking the Truth in love )

F.   A muantaak lungsim a neih nangin, lungsim kepzawh ding bek a thupi sak mite (Cultivating a Trusting Heart)

Ø    Tua ahih mawk leh sanggam aw nang koi lam pawl ah na om hiam? upna a lampawl maw upna a susia pawl, upna a suasia pawl na hi leh upna a lamto pawl na hih nangin, na gamtat nate a manlang theithei in na kikhel ding ahi hi. Upna a lamto pawl na hih leh,  a sang semsem upna a lamtohtoh ding (Strong Trust Builder) na hih dong hanciam tohtoh ding ahi hi.  A kician mahmah thu khatin, mite in nang tungah upna hong khantohna tawh kizui-in, nang zong na gualzo toto ding hi cih thu ahi hi.

Roads to Success laibu laimai26 pan akiletkhia ahi hi.
Khazih sungah Tagahte pa
Rev. Paul Paupi