ZO LAI GIELDAN PUOPHAT DAN DING

Zo's Suon Josie:

I Zolai pen missionary te in Roman alphabet zanga ei na bawlpieh uh ahi a,
ei khomin hoi mama hi. Ahi vangin a hun zui-in a hoizawin puo to to-in
mailamah India Zoute le ei Kawlgam Zote in a kibang laigiel dan (Uniformity
of Writing System) khat nei zawh ding hanciem huoi ka sa hi. Tua masangin a
nei-a teng beh kibangsah lei hoiva ka ci hi. Ei na simpieh vawi un.

I. WORD COMBINATION (Kammal pena/zopna).

Kammal ni le thum a phah vangin a cinopna, a khietna khat beh ahileh tua
pen
a kitel nadingin a kizom/a kipe-in guolin mal khat suohsah leih cina
hi.

Gentena: (1) "lungsim" pen "lung sim " ci'n giel lo ding.

(2) "kisongsawlawi " pen :"ki song saw lawi" ci danin giel

lo ding.

1. Maibul le Nuabulte "affixes" ( ေရ႔ွ ဆက္ နွင့္ ေနာက္ ဆက္ မ်ား)

Maibulte" prefixes" (ေရွ႔ဆက္မ်ား):

(1) Ki = kingai (kingaina); kisungsie; kilebulh; hiliplap; kitukalh;
kigalsai; ect;
(2) le = lebul; legen; lengat; letat; leheh; lepei; leham;
(3) su = sugawp; sukham; sumit; susie, ect;
(4) hi = hinitnat; hivaliem; hizelzul; hiliplal; hilinlien, ect;

Nuabulte (suffixes=ေနာက္ဆက္ မ်ား)
(1) na = itna, hepina, gilkielna, cimawna, hamsietna, ect;
(2) sah = theisah, omsah, gensah, ultungsah, ect;
(3) pi = peipi, zawpi, hopi, vaihawmpi, kikuppj, ect;577
(4) te = Zote, simte, kawlte, vaite, kote, note, ect;

2. A phaza tena (quantitative adjectives).
Gtn: halkhat, themkhat, tawmkhat, pawlkhat, kimkhat, zosie, tampi, honpi,
honkhat, ect;

3. Munkawna kammalte
(prepositions) .

Gtn: (1) "ah" = sungah, pangah, tungah, kikalah, nei-ah, a laikimah, ect;

Ahi vangin "ah" ci kammal pen min/na min (noun) khat' mai-ah a op ciengin a
kihalin giel ding.

Gentena:
Singapore ah, Yangon ah, Tedim ah, ect;

4. Kumguicing Khupna kammalte (Sentences Compiments)
vateh, vavui/va-ui, taheh, tavai, ect;
Gtn: Nang zong ging sih vateh.
Na dei bang sem thei vateh.

5. Kamham Zopna Kammalte (Conjunctions)

(a) inlen, vacin, hinlen, lacin, lateh, nacin , ect;
Gtn: Pei inlen en lacin mu ven nacin.
(b) dingin, dinga, sangin, sanga, ciengin, cienga, hangin, hanga, vangun,
vanga, ziehin, zieha, ect;

Gtn: Phalbi cienga sil dingin puonah sangin tungsil deizaw ka hi ziehin a
tam mat vangin ka lei veve hi.

6. C/Ch Zahdan
Sahlam i Zote in 1901 kuma Zosap Thar (Rev. Edwin Rowlands) in Mizote dinga
a bawlpieh Rome laimung (alphabets) ahi, A AW B CH...Z System zui-in C
tangin Ch zang uhi. Gtn: Tua chiengin, Chin Za Kham cibang. Ei Kawlgam in
missionary J. H Cope ei bawlpieh ABCD...Z Sytem i zah ziehun; 'Tua ciengjn,
Cin Za Kham cidanin i giel uhi. India Zou le Kawlgam Zote in Uniform
writing system i siemphat masangsie eimau giel dan ciet tawh giel phot vai.
Khawh nai sih civai.

II. LAIMAL GIEL DAN (Spelling)
Ahi vangin Kawlte in "i giel ciengin a laigiel dan man zangin i ham ciengin
awsuo man tawh ham ding (ေရး ေတာ့ အ မွန္ ဖတ္ ေတာ့ အ သံ) a ci bangin i awsuo
bang liena i giel ding uh kisam hi. Mailam ciengin a hoi thei i sui ding ua
tu tadi-in kiellap pah dingin a nei teng ki uniform sah thei lei hoi-in ka
um hi.

(1) I Zo awsuo pen laimal (letter/phonemes) ''h" (nasal/glottal stop) tawh
tawp zawdeu a; Tedimte a pen laimal "k" (အာ ေခါင္ ေပ်ာ့ သံ , velar/dorsal
stop) tawh tawp zawdeu hi.

Gtn: buh (ei Zote) ; buk (Tedimte).
mawh (Zote) mawk (Tedimte); sah (Zote); sak ( Tedimte);
suoh ( Zote) suak (Tedimte); suh (Zote) ; suk (Tedimte ) ci bangdan ahi
hi.

(2) I awsuo danin a laimal tawh giel ding(ေရး ေတာ႔ အ မွန္ ဖတ္ ေတာ့ အသံ)

(i) Sim (Tedim) awsuo "a" pen ei Zo awsuo tawh i giel ciengin "e" tawh laih
kul hi.

Gtn: ciang (stick) pen "cieng" ci'n giel leih i awsuo man pen kinga pan hi.

Gtn: Tedim in Lian Khan Niang cia a giel pen i Zo awsuo-in Lien Khan Nieng
ci'n giel ding.

(ii) Tedim in "a" tawh a giel popo ei Zolai-in "o" tawh giel ding.
Gtn: Puansilh nikten= Puonsil nihten.
Hau Suan Lian= Hau Suon Lien cibang dan hi.

(ii) Tedim awsuo "ua" pen i Zo awsuo ahi, "uo" tawh khel ding.

Tedim awsuo-in "pua" (to carry) a ci pen ei kamin "puo" ci'n giel lei
awsuo man (correct pronunciation) kinga pan hi

Gtn: Simte in "pua" (to carry) a ci pen ei Zote dingin "pua" pen (to
collapse) cina shoh ta hi. Tua banah mi min zong a nei a bangin i awsuo
tawh kituohin giel ding hoi hi.

Gtn:
Lian Khan Niang (Tedim) pen Lien Khan Nieng(Zo) In giel ding.

Hun i nga cieng zomkia vai.

Mang Do Thang

Posted by:

"Do Thang

 Wed Sep 24, 2014 12:12 pm (PDT) .

I minam kepcing nading nasepte lah panin i Zoham le i Zolai i kepcing ding,

i zunsiem ding uh kisam mama hi. A sawt loin Pidaungsu Hluttaw(

ျပည္ေထာင္စု လႊတ္ေတာ္) in " အမ်ိဳး သား ပညာေရး ဉပေဒ ပုဒ္မ ၄၂(ခ) " (National

Education Law, Section 42-b) ah kawlgam tuolpieng minamte (ျမန္မာ့

တိုင္းရင္းသား လူမ်ိဳး မ်ား-ethinic nationalities) adingin a lai uh sangah

sin khuon ei piehkia sawm dan uh ahi hi. Tuaziehin i Zolai i siem ding uh

kisam hi.

1988 Kum panin galkap kumpi (military Junta) in minam citawmte ei valtum

sawmin kumpi sangte ah i Zolai ei sinsah nawn loin tuni dong ahi hi. Tua

kawmkal panin i Zolai a manthai lo nadinga a hitheiza utawh Zo thusuo ang

hawmkhie PuZo News Chief Editor Rev. Kam Khen Dal le Zo Tongsan Editor Dr.

Kai Hau Lien Pau tegel tungah ahi a, Zokuom Thawn Thusuo ang hawmkhie Zo

Synod (PCM) le Zo Patong ang hawmkhie ZBA te tungah ahi zongin nahpi tahin

lungdam i ko ding uh ahi hi. Tam teng om sihle Zokam tawh thukizahna a nei

vawt lo ding i hi uhi.

Lai gina i neina in minam kicien i hina a sulang khat ahi ziehin a koimapo

in tami thukizahnate i hawm zo den nadingin Zosuon tate zosie i sum i

paai le i thungetna utawh panpi ciet bo vai ci'n kang hansuo uhi.

Rev. Mang Do Thang