Ih Pianna Nu/Pa ih lungkim sak ding thupi mama:

Guai teng aw,

Tuni cieng dong Leitung ah Nu ci ding, Pa ci ding na nei lai leh a hampha mama na hi zieh in tammi lai hoitah in na sim in. "Zo Ngaina hoi mama, zahdan sia mama" ci lei bang na cimu ding vuoi? Yangon ah khanghaam pawl khat si aa, a mau sina a tamzaw pen zatui zaha zang zolo, gilkiel thuah zolo ci lei kikhiello ding hi, 2006 in pivuoi khat si aa, a pasal zawn vava in, an le tui zong pongman in kitul kipia talo ahi man in, gilkiel in si hi ci thei phiel ding a himel hi.


2008 in puvuoi khat cidamlo in zi le ta zong nei aa, a tate zong USA ah a cithei mama in kigen ta leh a pienna pa vuh neh ding dawn ding kicing sahlo vuh aa, a pumpi tung ah Vitamin kang(tawp) a silaw phiel in kigen mawh hi. USA a a tate Wedding Photos(Maan) te en en in, "Tammi photos ei hah sang un, zatang khat ei hah zaw vu leh ihzaw" ci ngetngut mel hi. Pa Hang Khan Lien(Singapore) in, "Na zi na ta tawh na neh ding kimlai na bawsat tanghiel sih leh na Nu/pa na va zo sih ding hi" na ci hi, a man a kam beh tawh a gen hilo in, a pienna Nu/pa pen lungkim sah den hi. A pa du mama Marboro zatep pen Singapore pan in "Tax" tam hitama leh hah zo den hi(sum le paai pen genkul vet sih). Pa Kam Khen Mang(Singapore) in Tonzang a peito in, a pienna a Nu/pa mai ah, "Nu le pa aw, ka tung ah na lunghel na gel a om ei?" ci'n dong aa, a Pa in, "Mangno hlakhat in S$1000 ta nei hah kisapna nei neisahlopi bang ka lunghel ding gel a hei" ci hi. Ute naute aw, Hang Khan Lien le Kam Khen Mang in a nute a pate vuh si leh Siel-10 tawh kawsa a bawl zong vun kilawm hi, a bawl malmal sih zong vun kisuon na ding om vetlo ahiman in kilawm veve hi. Nulepa gilkiel a silaw in, a sizaw ciengin "KAWSA" ci'n Siel bangza, Voh bangza, Dol hankuong, Hankhuh a hoi penpen, Paakuol bangza ci'n kidemna leh kisielna dan khat in i bawl hi. Kawlpi ah Pa Hang a si tah ciengin, Bawng, Voh kigo tamlua ahiman in, "A tong bang valia" kici hi, Pa Hang a pen bawlhuoi mama hi. 10-vei a tong bangin kibawl pieh nan leh kilawm hi, bang ding a hei ci leh Pa Hang pen Kawlpi khuo sung ah "U Hangpu" a kici nah leh koikoi in thei aa, koikoi in zong it hi. A tate'n zong a hunhun in Yangon ah Zato hoi penpen ah kivel sah den vuh aa, a du ngawl sah malmal lo vuh hi. Ama tehteh in zong mi tampi tung leh Pasien manggam a dingin na lienpi a semzo pa ahihi. I Pienna Nu/pa te anuntat lai vun a neh a dawn ding kicing sahzo keilo in, a si zaw ciengin, "Kawsa" nasetah a i bawl pen ngaisut huoi mama hi, Nu/pa te luonghawm tungtang ah "Kisiel" ding pen kilawm lo hi. a nuntat lai leh a damlo laitah in niengtui haikhat na ngawn a dawn sahlo pi khat in zong a si ciengin maipha suina dan in "Kei Paakuol khat,.. kei Voh khat..etc..," ci te pen mipi mai ah i min a kidaw na ding hi lel kha mai ding hi, tuami paakuol khat pen Ks.20000/- man sung pan Ks.500 cieng beh ne kha leh a si Nu/pa lungdam zaw kha ngel ding hi. Ute naute aw, "Zo Ngaina pen hoi mama ta leh i zahdan pen ngaisut huoi mama ta hi, Kawsa...Siel-10 na gaw(go) sangin, na pienna na Nu/pa a nuntat lai in, Sielsa kamkhat pet sah la cin ama(Nu/pa) zong lungdam zaw ding aa, nangma zong a nuasang ah na kihenem zo zaw ding hi...tua a hi sih leh "Ka Nu, ka Pa si cieng aa, ka kisiel na ding" ci'a sum khol khol na mah? Tammi lai a sim a a lungkimlo a om leh keima tung ah maw kisui thei hi. Nu le Pa ci ding na neilai khah zenzen leh Kam Khen Dal Yangon. From: Dalpu: - - zonunsiem@gmail.com