TONZANG KHUA SATNA

Tonzang khua pen khuamun 4vei a kisat ahi hi.

Tonzang Khua Masa(1)

Tu laitaka Tungtuang khuataw leh

Meitei gun kikal mun nuam tengah Thahdo mite na teng ngei a, Tonzang khuamun lui ahi hi. Khuasat hun kithei zo lo hi. A tenna uh

pen Vong sing tamna mun ahi manin a khuamin uh zong Khuavong ci uh hi.

Tonzang Khua Nihna (2)

Tonzang ah Khaw Cin-te a tuntoh 1870 kum ma-in tu laitak a, RC Biakinn lui hang tengah Manlun behte na teng khin yo uh hi. Tualgal huhau-in India gam Behiang khua

galah lalto uh hi. A khuamin uh mah kengto in, Mal-Tonzang khua na ci uh hi.

Tonzang Khua Thumna (3)

Tedim khua a, Pu Kam Hau' tapa

tumpen, Pu Vum Khua Cin (Khaw Cin) in innpi a lua na Nuasia-in Hatlang beh Pi Vung Khua Lian ngai-in tenpih a, 1870 kum pawlin beh/bea makai ahi Kam Vial (Bawmkhai), Son Kham (Hatzaw), Go Am (Hatlang), Leeng Nei

leh Vum Zil (Tungdim), Pau Am leh Cin Kim (Samte), Tel Khaat (Thawmte), Kim Thuam (Zilom) leh a dangdang kigawm inn 30 bang

Tedim pan pei to-in, tu laitak a nailung huan munah Khuavong khua na sat uh hi. Tu hunin tua mun pen Khualui kici hi. Khuamin pen

amin bul ciat uh a kigawm hi, a ci om hi. 

Mi pawlkhat in Vongsing pona mun ahi man a, Khuavong kiphuak hi zaw hi, ci uh hi. 

Tonzang Khua Lina(4)

1920 kumin Pu Hau Cin Khup in

Khuangzang mite' tenna khualui mun (tu laitak a i tenna mun) ah Tonzang khua na tuahto hi.

Tua hunin Pu Hau Cin Khup' tate cidam lo uh a, dawi kamsangte a kidot ciangin "Na innmun sia hi, mun dang khatah kituah lecin,

na tate dam ding uh hi," cih thu hangin, khua

a tuahto ahi hi. Khua nihna muna neihsa veng minlawhna teng mah kikeng to hi.

Veng Minte

Khualui-ah Pu Hau Cin Khup' inn pen nisuahna lam nga-in kilam hi. A inn kimkot zaang teng INNPI veng kici hi. A nuaisiah teng Zangnuai veng kici hi. Innpi Phaitam lam

Khuavong luigal teng Khuavong veng kici hi. Khuavong lui gei-ah cikpi khat om a, Pu Hau Cin Khup' tuinak kici hi. 

Ko ma bea/beh Version 2 na pan aa kang Laak ahihi.

Zo Sangpy