Australia & New Zealand Zo Khawmpi Nuom tah iin Kizo

Dear Pu Zo suon teng,

Australia Zo Organization makaina tawh Australia leh New Zealand
kigawm iin Zo Ngaina Pawipi (Zo Cultural Show)
April 6 ni iin guol zo tah iin kiman ta hi. Ni 3 sung (April 1-3) Zo Cup bawlung (Football)
kidemna kinei aa team 9 kipha hi. Team Zombie in a khatna (champion) nga in
Chin Stars te'n a nihna nga vuh hi (Kohaw NZ team te mi kim lo ka himan vun
a khatna kinga zo lo hi !! :):):).


April 5 (Sunday) ni Australia leh NZ pan aa hing pei teng zosie
Combine Service kinei aa nuom kisa mama hi.

April 6 ni Zo Ngaina Pawipi ah Victoria State Multicultural Commissioner pa (Mr Chin Tan)
leh Victoria Federal MP Hon. Michael Sukkar te chief guests iin hing pei vuh hi. Tua ban ah,
Melbourne aa om kumpi zum tuomtuom pan leh community tuomtuom pan mi 300 val hing pei
thei vuh ahizieh iin ih pawipi thupi sah tuom hi. Zo Laam nam tuomtuom
leh Taiyintha (ethnic cultural dance) laam tuomtuom kilaam ban ah Zo Khang Taangthu
(Zo History) suutna zong kinei hi. Atawpna ah, Mangkang zinmang (guests)
te leh hing pei ulien te tawh Zo laam kaihna kinei piih aa zin te'n zong nuomsa mama vuh hi.

Tam bang Zo Ngaina Pawipi te ih bawl zieh iin tu'n Australia leh New Zealand gam te
ah "Zo Minam" ih hina kumpi te leh minam tuomtuom te'n
ei theipiih ta vuh hi. Ni dang cieng iin, ih sep to lai diing tampi om ahizieh iin ih
Zo te kithutuoh diing thupi mama hi. Kithutuoh po leih sep lah diing bangma om lo hi.
Pawi hing pei Mangkang te leh zin teng zosie ban ah hing pei teng zosie in nuom kisa mama ciet hi.
Maan pawlkhat attachment ah na en vun.

Thupuoh,
Jeffrey Pau

Photos:
https://www.facebook.com/zo.australia?fref=photo&sk=photos