Bishop Felix Lian Khen Thang & Pope Francis

Bishop Felix Lian Khen Thang leh Pope Francis kimu ton-na tungtawn in, itheih loh kikal in Zo mite khantohzia leh khuasahzia pen imang hiam, cihnop in om hi. Leitungbup ah ukna anei RC Pawlpi pen bangbang in susia zolo in, koima inzong simmawh ngamlo hi. Tam thu i et ciangin, Pasian in panpih mahmah cihna kimu hi.

 
RC sungah Father ciang suahzawh nadingin, pilna, siamna, hoihna, phatna, khuasakzia leh khuahekzia akipan ki encik in, tua tawh Father hongsuak khia hi. Father bekbek 100 val bang a-uk pen Bishop hi a, tua Bishop khat suahkhiat zawh nadingin Gamkhat Kumpi suah zawh ding sangin haksa zaw pek cih kimu thei hi.
 
Zogam ah Zo Suan khat ahi, Bishop Felix Lian Khen Thang pen Tedim gam, Gam Ngai khuaneu khat ah suak hi. Topa Zeisu bangphial mah in khuaneu thilthel panin hongsuak a, Zo MiNam ei tawisang mipil khat ahihna tam munah kimu khia thei hi.

 
1. Napil leh Bishop Felix Lian Khen Thang bangin pil in!
2. Thu nakhual leh Bishop Felix Lian Khen Thang bangin thukhual in.
3. Na lungduai leh Bishop Felix Lian Khen Thang bangin lungduai in.
4. Na cihtak leh Bishop Felix Lian Khen Thang bangin citak in.
5. Thu na ngaihsut leh Bishop Felix Lian Khen Thang bangin thu ngaihsun in.
 

Zo Suan
Bishop Felix Lian Khen Thang hangin angtang ing. Topa'n thupha ei piakpiek semsem tahen!

Deihsah thupuak,
Dal Sian Hung

SIANGTHO NI 4 NI - BY BISHOP LIAN KHEN THANG

SIANGTHO NI 4 Ni

A Nunung pen Topa’ Nitak An Nekkhawmna.Topa in a nungzuite kiang ah agen kammalte eite kiang ah hong gen kikhi: ‘Note tawh hih an i nekkhop ding ka ut mahmah hi’ (lk. 22:16).Tua a nunung an nekna in an mawkmawk hi loin, Pasian pawi an ahi hi.Judah mite aa ding in an siang thoahi hi. Eite in, hih an nek khawmpawi pen A nunung Jesu’ nitak nekkhawm bawlna i ci hi.
                          Siangtho Nilini pen, ‘Ki-itna Ni’ zong kici hi. Topa thuhilhna sung aha thupi thu nam nihte bulphuhpha pen hi. Tua te in: ki - itna lehkipumkhatna ahi hi. Jesu in “Note tung ah ka hong piak thak thu in;note ka hong it mah bang in note khat leh khat na ki-it un” (Jn.13:34) ci a hongvaikhak pen i veng ipamte leh thuzuite lakah a zawngzaw deuhte i itna i lahna ding ni ahi hi. “Pa aw, amaute khempeuh pumkhat a suah theihna ding un ka hong ngetsak hi. Nang leh kei pum khat ihih mah bang in, amaute zong pum khat a suah theih nading un keimatung ah na hong piak minthanna mah amaute tung ah ka pia hi” (Jn.17:21-22).
             Jesu in a nung zuite khat leh khat bang ci bang in ki-it ding cihalah na ding in, amau khe a silsakna tawh hong hilh hi. ‘Note’n kei Sia nong ci uh hi. Man hi. Ahih hang ke’n silate’ nasep ka sem hi. Tuamah bang in, note khat leh khat khe na ki sawp sak un’ hong ci ngiat
hi.
          Topa in sepna bawlna bek tawh hihlo in, a pumpi mahmah hong pia hi.Abeisa hun in, “Na pumpi na it bang in, na lawmte na it in” (Lev.19:18), cih ciang bek tawh thu hong hilh hang, tu ni-in, “Ke’n notekong it mah bang in note khat leh khat na ki-it un” (Jn. 13:43), ci-in thu hong hilh hi.

Bishop Felix Lian Khen Thang ' Zo ' Tangthu Tomkim

Bishop Felix Lian Khen Thang ' Zo '

Zo Suan sung bek ah a hilo, Kawlgam bup Roman Catholic sung dong ah nasia mahmah khat ahi Bishop Felix Lian Khen Thang pen Tedim township, Gamngai khua ah 1959 kum Christmas ni in suak aa, Pyin Oo Lwin khua St. Aloysius Minor Seminary leh Yangon khua St. Joseph National Major Seminary ah pilna sin hi.

Mgsnr Bishop Felix Lian Khen Thang 's Trip for U.S visit

Dear Mipih zosie,

Sie Daw Khen USA ang/ong zin theih nading in hun hoi, hun pha
eipieh/ongpia i bie Pasian tung ah lungdam i ko masa uhhi. Ama pen'n tu a bangh a US ang/ong pai theih nading leh ei te tawh kimu theih nading a " Invitation"  abawl pen Charlotte Diocese Bishop Peter J. Jugis ahihi. Tua ban ah, ama i trip schedules abawl sah pen Charlotte  North Carolina Myanmar Catholic a makai teng, Simon Lam No ( Atlanta, GA ), thu theih sah ang/ong bawl Gregory Lian Pu te kahi uh hi.  Tua leh, tu a  anei/nuai a Bishop Pa i US trip schedules teng pen aki kip sah sa ahima'n,
Bishop Pa zongh pen tu a trip schedules dan ma a angpei/ongpai ding ahihi.